HStAOrient5a: 84r

Ve daḫı buyurur ki: Eger ʿilm‑i nücūm ʿilm‑i enbiyā idügin bilmek dileseñ // bu āyeti qırāʾat eyle: Fa‑naẓara naẓratan fī n‑nuǧūmi fa‑qāla innī saqīmun. // Ve nebī ʿaleyhi s‑selāmuñ man āmana bi‑n‑nuǧumi fa‑qad kafara dėdüginden // murād‑i şerīfi nücūmuñ tedbīr‑i ʿālemde müstaqill olub emru llāha // musaḫḫar olmaduġına muʿteqid olanlar kāfirdür dėmekdür. Ve maʿlūm // ola ki fenn‑i aḥkām‑i nücūmda muqarrerdür ki şenbe güni Züḥale müteʿallıqdur // ve yek‑şenbe āftāba ve dū‑şenbe māha ve se‑şenbe Mirrīḫe ve çehār‑şenbe // ʿUṭāride ve penc‑şenbe Müşterīye ve cumʿa Zühreye münāsibdür. // Ammā Qamerüñ sefere münāsebeti ve Mirrīḥüñ[!] ḥicāmete ve qan dökmege // ve ʿUṭāridüñ devā içmege ve Müşterīnüñ qażā‑yi ḥavāyice // ve Zührenüñ tezvīce ve cemʿīyete münāsebeti fenn‑i nücūm[a] müsellemdür. // Ammā Züḫalüñ ṣayda ve āftābuñ bināya nisbeti fenn‑i mezbūrdan // ẓāhir olmaz. Yaʿlamu llāhu waǧhahū. Bu ola ki İbn ʿAbbās qavli // üzre çün Yahūd cumʿa güninde ʿibādet ile meʾmūr oldılar // cumʿaʾı terk ėdüb sebti iḫtiyār ėtdiler. Allāh taʿālā // anları yevm‑i sebt [ile mübtelā qılub ol gün ṣaydı ḥarām qıldı qaçan yevm‑i sebt] olsa ṣayd‑gāhları balıq ile māl‑ā‑māl // olurdı. Ėrtesi bir dāne nesne mecāl‑i muḥāl olurdı. // Pes şenbe güni ṣayd Yahūde muḫālefet olur. Ammā yek‑şenbe [güninüñ bināya nisbeti Allāh taʿālānuñ binā‑yi ʿāleme yek‑şenbe] // güni şürūʿ ėtdügidür. Allāhu aʿlam. Mesʾele: Sāʾil‑i suʾāl